Сурово искрена формула за победување во бизнисот, спортот или која било арена во која битката е безмилосна од престижниот тренер за врвни резултати меѓу чии ученици се вбројуваат Мајкл Џордан, Коби Брајант и Двејн Вејд.
Со „Победување“ Тим Гровер докажува зошто е еден од најбараните експерти за успешен начин на размислување што непогрешно води до победа. Врз основа на своето 30-годишно искуство, тој ги отстранува клишеата и претерано ентузијастичкото бодрење кои создаваат просечност и ве повикува решително да ја предизвикате реалноста. Која е наградата? Огромен успех.
Ако сте навлечени на вкусот на успехот и сакате уште, тогаш сте подготвени за оваа стратегија за изведба. Ако веќе победувате и сакате да научите како да стигнете до нивото на најголемите – оваа книга ќе ви го покаже патот.
„Тим Гровер е експерт за умствена сила. Со оваа книга-прирачник ќе откриете што сте способни да постигнете, резултати што не можете ни да ги замислите, достигнувања до највисокото ниво на успехот – дури и повисоко.“ Коби Брајант
„Имам неверојатна верба и доверба во Тим Гровер.“
Двејн Вејд
Тим С. Гровер е главен извршен директор на „Атак атлетикс, инкорпорејтид“, компанија што е основана во 1989 година. Тој е светски познат за неговата работа со Мајкл Џордан, Коби Брајант, Двејн Вејд, Чарлс Баркли и илјадници спортисти и деловни професионалци и настапува низ светот како клу- чен говорник и консултант на деловни лидери, спортисти и елитни успешни луѓе во секоја област, пренесувајќи ги принципите на непо- пустлив порив, перформанси поттикнати од резултати и ментална цврстина.
Тим е автор на националниот бестселер „Непопустлив: од добар преку одличен до несопирлив“ и на „Победување: суровата трка до величина“, и креатор на дигиталната тренинг-платформа „Рилентлес систем“.
Тој дипломирал кинезиологија, а магистрирал наука за вежбањето на Универзитетот на Илиноис – Чикаго. Додека студирал, бил кошар- кар во Првата дивизија на Националната универзитетска спортска асоцијација (НЦАА), а во 2010 година добил Награда за животно постигање и бил воведен во Холот на славните на УИЧ. Стациониран е во Чикаго.
За повеќе податоци за Тим Гровер, ве молиме да ја посетите веб-локацијата www.TimGrover.com.
ПовеќеВеб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам